डॉ. बाबासाहेब आंबेडकर समाजभूषण पुरस्कार महाराष्ट्र एज्युकेशन सोसायटीला प्रदान
राज्य शासनाच्या सामाजिक न्याय आणि विशेष सहाय्य विभागाच्या वतीने देण्यात येणारा डॉ. बाबासाहेब आंबेडकर समाजभूषण पुरस्कार २०१५-१६ वर्षासाठी राज्याचे माननीय मुख्यमंत्री देवेंद्र फडणवीस यांच्या हस्ते गुरुवार, दि. १८ ऑगस्ट २०१६ रोजी महाराष्ट्र एज्युकेशन सोसायटीला प्रदान करण्यात आला. महाराष्ट्र एज्युकेशन सोसायटीच्या नियामक मंडळाचे मा. अध्यक्ष राजीव सहस्रबुद्धे व संस्थेचे सचिव डॉ. संतोष देशपांडे यांनी संस्थेच्या वतीने तो स्वीकारला. महाराष्ट्र एज्युकेशन सोसायटी जोपासत असलेल्या सामाजिकतेच्या भानाला शासनानं दिलेली ही पावती संस्थेच्या वाटचालीतला मैलाचा दगड ठरला आहे.