“विद्यार्थ्यांच्या या उल्लेखनीय यशामुळे महाराष्ट्र एज्युकेशन सोसायटीच्या शैक्षणिक व सहशैक्षणिक गुणवत्तेची पुन्हा एकदा प्रचिती आली असून, भविष्यातही अशाच प्रकारे विद्यार्थी राष्ट्रीय स्तरावर चमकतील,” अशी अपेक्षा महाराष्ट्र एज्युकेशन सोसायटीच्या नियमाक मंडळाचे मा. अध्यक्ष श्री. बाबासाहेब शिंदे यांनी व्यक्त केली आणि विद्यार्थ्यांचे व त्यांच्या पालकांचे मनपूर्वक हार्दिक अभिनंदन करून पुढील वाटचालीसाठी त्यांना शुभेच्छा दिल्या.

“एन.सी.सी.मुळे विद्यार्थ्यांमध्ये शिस्त, नेतृत्व आणि राष्ट्रप्रेमाची भावना दृढ होते. या निवडीमुळे महाविद्यालयाचा नावलौकिक वाढला आहे,” अशी भावना महाविद्यालयाचे प्राचार्य प्रोफेसर डॉ. विलास उगले यांनी व्यक्त केली.

एन.सी.सी. केअर टेकर ऑफिसर डॉ. राजेंद्र जमदाडे व डॉ.माधव इंचुरे यांनी विद्यार्थ्यांच्या सातत्यपूर्ण मेहनतीचे कौतुक करत त्यांना पुढील प्रशिक्षणासाठी शुभेच्छा दिल्या.

राजधानी दिल्लीमधील वास्तव्यादरम्यान हे विद्यार्थी देशातील विविध राज्यांतील कॅडेट्ससोबत परेड, सांस्कृतिक कार्यक्रम, पंतप्रधान रॅली, तसेच विविध राष्ट्रीय महत्त्वाच्या उपक्रमांमध्ये सहभागी होणार आहेत. त्यांच्या निवडीमुळे इतर विद्यार्थ्यांनाही एन.सी.सी.मध्ये सहभागी होण्यासाठी आणि राष्ट्रीय स्तरावर आपली क्षमता सिद्ध करण्यासाठी प्रेरणा मिळाली आहे. महाविद्यालयात आनंदाचे वातावरण असून हे विद्यार्थी व त्यांच्या पालकांचे सर्व स्तरातून अभिनंदन केले जात आहे.