महाराष्ट्र एज्युकेशन सोसायटीच्या गरवारे कॉलेज ऑफ कॉमर्सच्या प्राचार्य पदाची सूत्रे डॉ. किशोर संपतलाल देसर्डा यांनी आज (मंगळवार, दि. १ ऑगस्ट २०२३ रोजी) स्वीकारली. महाविद्यालयाच्या प्रभारी प्राचार्य डॉ. सुलभा पाटोळे यांच्याकडून त्यांनी ही सूत्रे स्वीकारली.
डॉ. देसर्डा हे म.ए.सो. गरवारे कॉलेज ऑफ कॉमर्सचे माजी विद्यार्थी असून एम.ए. (अर्थशास्त्र), एम.ए. (कम्युनिकेशन), एम.एस्स.डब्ल्यू., एम.एस्सी. (सायकॉलॉजी), एम.कॉम., एम.बी.ए., जी.सी.डी. अँड ए., पीएच.डी. असे त्यांचे शिक्षण झाले आहे. यापूर्वी ते वाघोली येथील भारतीय जैन संघटनेच्या आर्ट्स, सायन्स अँड कॉमर्स कॉलेजमध्ये असोसिएट प्रोफेसर होते.
डॉ. देसर्डा यांना अध्यापन, प्रशासन आणि संशोधन क्षेत्रातील २८ वर्षांचा अनुभव असून त्यांचे ३० पेक्षा अधिक पेपर्स राष्ट्रीय आणि आंतरराष्ट्रीय स्तरावर प्रकाशित झाले आहेत.