एम ई एस कॉलेज ऑफ नर्सिंग हे महाराष्ट्र एज्युकेशन सोसायटी, पुणे संचलित एक नामांकित नर्सिंग शिक्षण संस्थान असून रत्नागिरी जिल्ह्यातील घाणेखुंट-लोटे, ता. खेड येथे स्थित आहे. महाविद्यालयाची स्थापना दिनांक २७ जुलै २००९ रोजी करण्यात आली. हे महाविद्याल Maharashtra University of Health Sciences संलग्न असून Indian Nursing Council, Maharashtra Nursing Council व महाराष्ट्र शासन मान्यताप्राप्त आहे.
महाविद्यालयामध्ये ए.एन.एम. (ANM), जी.एन. एम. (GNM), बी.एस्सी. नर्सिंग, पोस्ट बेसिक बी.एस्सी. नर्सिंग तसेच एम.एस्सी. नर्सिंग असे पदविका, पदवी व पदव्युत्तर अभ्यासक्रम उपलब्ध आहेत. महाविद्यालयाची एकूण वार्षिक प्रवेश क्षमता १६५ विद्यार्थ्यांची असून आजपर्यंत १२०० पेक्षा अधिक विद्यार्थ्यांनी येथे शिक्षण पूर्ण केले आहे. संस्थेचे विद्यार्थी भारतातील तसेच परदेशातील विविध नामांकित रुग्णालये व आरोग्य संस्थांमध्ये यशस्वीपणे कार्यरत आहेत.
महाविद्यालयाचा परिसर सुमारे १३.५ एकर क्षेत्रात पसरलेला असून अत्याधुनिक व प्रतिष्ठित नर्सिंग प्रयोगशाळा, डिजिटल लायब्ररी, सुसज्ज ग्रंथालय, संगणक विभाग, वसतिगृह, क्रीडा सुविधा,सभागृह तसेच क्लिनिकल प्रशिक्षणासाठी संलग्न रुग्णालय उपलब्ध आहे. विद्यार्थ्यांना शैक्षणिक गुणवत्तेसोबतच संशोधन, व्यक्तिमत्त्व विकास, समुदाय आरोग्य सेवा व व्यावसायिक कौशल्य विकासासाठी प्रोत्साहन दिले जाते. महाविद्यालयास National Assessment and Accreditation Council कडून NAAC “B+” मानांकन प्राप्त झाले असून संस्था गुणवत्तापूर्ण नर्सिंग शिक्षण, सेवा व संशोधन क्षेत्रात सातत्याने प्रगती करत आहे. महाविद्यालयाचे ध्येय “सेवा, शिक्षण आणि संशोधन” या त्रिसूत्रीवर आधारित असून ग्रामीण व कोकण परिसरात कुशल, संवेदनशील व व्यावसायिक नर्सिंग मनुष्यबळ निर्माण करणे हे संस्थेचे प्रमुख उद्दिष्ट आहे.
